زتونه ال Pharmacology

استعرض الموضوع السابق استعرض الموضوع التالي اذهب الى الأسفل

شامل زتونه ال Pharmacology

مُساهمة من طرف Admin في 01/09/15, 07:19 pm



ثانيا ال Pharmacology








المادة دي  هتدرسوا فيها الادويه بالتفصيل هتتقسم مجموعات دوائية تدرسوا واحد منهم بالتفصيل والباقي هيبقى متشابه معاه في اغلب الحاجات ,, محتاجة منكم تذاكروا أول بأول وتراجعوا عليها باستمرار لأنها بتتنسى بسرعة




تقسيم المادة







المحتوي اللي  هتتدرسه خلال عام دراسي كامل هو :
1. introduction
2. autonomic
3. autocoid
4. CVS
5. CNS
6. respiration
7. GIT
8. hormone
9. blood
10. Chemotherapy
11. Diuretics

في العام الدراسي المنصرم قمنا بدراسة الآتي في الترم الأول :
• Introduction  قرابة أل  30 ورقه .
• Autonomic  قرابة أل 40 ورقه .
• Autocoid   إحنا أخدنا منه قرابة أل 12 ورقه .

*والباقي كلووووووا الترم الثاني يعني فارما ترم أول لا تقارن بفارما ترم تاني .
ما علينا نبدأ بالترم الأول
ونركز شويتين في اللي جاي




مصدر المذاكرة :
عندنا أربع دكاترة هيدرسوك في المحاضرات:
1. دكتور محمود حمدي رئيس القسم
2. دكتور صفوت
3. دكتورة حنان
4. دكتورة مجده
لكل دكتور نظام معين وهو كالتالي :

أولا دكتور محمود حمدي تعرف عنه حاجتين :
• أولا تبيض كلاموا اللي بيقولوا لأنه مش هيطلع منه امتحاناته لأنه بيشرح نقط معينه عشان كده لازم نركز في اللي ببقوله
• السؤال اللي يقلك عليه مهم اعرف انه في الامتحان


ثانيا دكتور صفوت :
• بيشرح تيبكل من الكتاب فتذاكره من كتاب القسم وبرده ببقول ع المهم


ثالثا دكتورة حنان و دكتورة ماجدة :
• شرح ممتاز لازم تحضر المحاضرات .
• المذاكرة هنا ياما  من الداتا بتاعت دكتورة حنان  ياما من الشرح بتاع دكتورة ماجدة  .
• لابد من كتابه كل حرف وراء الدكتورة ماجدة وألا نزيد حرف واحدا علي ما تقوله .
• لاحظ إن أعمال السنة بتبقي مليانة من شرحهم .



ملاحظه :
هنا كل دكتور بيضع أسئلة في الامتحان في الجزء اللي شرح فيه بس ,,
يعني ممكن هتلاقي سؤال من بره الكتاب في النظري لكن هتكون شرحتها دكتوره حنان أو دكتورة لذا راعي تسجيل كل ما هو جديد لديهم عن الكتاب .




مصادر خارجية :
1. أحسن حد ممكن يشرح د / احمد عبد الرحمن بس هو بيطول شوية فلازم تذاكر أول بأول عشان تلحق تسمع  كلوا .
2. د / دهشان ده بالنسبة للناس اللي بتحب المختصر وكده بيشرح باختصار وبسرعة .





العملي :
عليك بحضور السكاشن والتدوين خلف الدكتورة .
 هو غالبا بيبقي عبارة عن النظري بتاعك بس مضاف ليه بعض الحاجات الصغيرة.



الامتحانات :
• أعمال السنة :
هنا بيبقي امتحان واحد عليه كل درجات أعمال السنة .
 في السنة الماضية امتحنا علي أل introduction  بس .
 الامتحان هنا بيبقي عبارة عن MCQ   زي ما اتعودتوا في السنين السابقة .
 ارجع وانوه انه الجزء اللي اتشرح من بره الكتاب يتذاكر من المصدر بتاعه .
 وزي ما نوهنا في الباثو هنوه هنا كمان هو بيبقي امتحان ووووواحد وهتمتحنوا بعد تلت محاضرات آو أربعه ,, وهتلاقي الترم فاضي لأنه انت واخذ كميه قليله فمتستهنش وكده لأنه ساعة الامتحان هيتراكم عليك المنهج .




• العملي :
العملي هنا بيبقي مع يوم النظري لأنه زي ما سبق ونوهنا هو عبارة عن النظري مع اضافه القليل من الأشياء فلازم تكون مذاكر النظري عشان تمتحن فعشان كده بيخلوه يوم امتحان التحريري
 فلاحظ انك لو ضيعت جزء دون مذاكره في النظري هتضيع لازم معاه درجات في العملي لأنهم واحد .
 هنبقي  ننزلكم ورق جيه منه الامتحان .


• التحريري :
 هنا بيبقي كالمعتاد أسئلة short note   .
 وزى ما سبق ونوهنا كتيير نرجع وننوه الجزء تذاكره من المصدر علي حسب الدكتور اللي شرحه
فعل سبيل المثال جاب سؤال في الامتحان هو كان مكتوب في الكتاب عبارة عن سطر ومعادله لكن الدكتورة ف المحاضرة شرحت العوامل في سبع نقاط اللي كان محطوط عليه السؤال .




توزيعة الدرجات :

المجموع الكلي هو 120 درجه تنقسم إلي :
تحريري   42 درجه

أعمال سنه 36 درجه
 العملي 30 درجه
الشفوي 12 درجه

* ملحوظة يلزم للنجاح في التحريري حصول الطالب علي 12.60 درجه أي ما يعادل 13 درجه في ورقه التحريري.


Admin
Admin
Admin

الجنس : ذكر
عدد المساهمات : 43
تاريخ التسجيل : 27/08/2015
الموقع : http://tebqena.egyptfree.net

معاينة صفحة البيانات الشخصي للعضو http://tebqena.egyptfree.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
لاتستطيع الرد على المواضيع في هذا المنتدى