لمحة عن سنة رابعة

استعرض الموضوع السابق استعرض الموضوع التالي اذهب الى الأسفل

شامل لمحة عن سنة رابعة

مُساهمة من طرف Admin في 11/09/15, 12:09 am

في الموضوع ده هنحاول نوصلك صورة توضيحية 
عن سنة رابعة ونظامها 
بما انها اول سنة ليك في الاكلينكي 
فاحنا هنا هنحاول نشرح ليك بعض الحاجات 
ونبدأ..


أي فرد داخل علي سنة رابعة بيسمع كلمتين همن ( راوند – عيادات )
معظم الناس متعرفش إيه معناهم ؟؟

فإحنا هنعرفكم كل حاجة تخصهم وهتفهموا معانا نظام رابعة عامل ازاي  ^_^


 
بصوا عشان تفهموا نظام رابعة لازم نقارنها بنظام سنة من اللي عدوا
فنقارن بيها وبين أي سنة من الأكاديمي 

اولاً:
رابعة ديه بيبقي معظم دراستها تحت في المستشفي الجامعي (يعني جنب العيادات) سواء كانت راوندات أو محاضرات ,, بعكس إن أي سنة من اللي فاتوا كانوا كلهم فوق 
في الكلية نفسها .


ثانياً:
الدراسة بتاعت رابعة نفسها زى أي نظام دراسة عدي عليك في السنين اللي فاتت
بس في فرق جوهري وهو :


انك زمان كنت بتاخد سكاشن المواد في أسبوع واحد
 بمعني
 كنا بندرس في نفس الأسبوع  سكاشن الباثو والفارما والبارا كنا بناخدها كلها في أسبوع واحد




لا النظام ده يتنسي دلوقتي سكشن المادة الواحدة بياخد شهر كامل بندرس فيه الحاجات العملي وفي الشهر ده مبناخدش أي أي سيكشن من المواد التانية مع السيكشن ده
 فمن هنا ورايح هنستبدل كلمة سيكشن بمعني الراوند
فلو حبينا نحط تعريف بسيط للراوند هنقول

انه سيكشن المادة الواحدة لفترة تدوم شهر كامل دون دراسة أي سيكشن لمادة اخري معاه  Very Happy


لازم نخلي بالنا من كذا حاجة وهمن :
 

  •  اني بتكلم هنا علي الحياة العملية فقط ( اللي هي كانت بتتمثل في السكاشن سابقاً )
  • أما الجزء النظري اللي هي المحاضرات بتبقي كل المواد اللي بتدرسها في نفس الأسبوع عادي يعني نظام السنين اللي فاتت  في المحاضرات هو هو متغيرش .
  • مثال توضيحي : ترتيب الراوندات بتاع السنة اللي فاتت واحتمال يبقي زى ما هو ترتيب السنة دي كان كده



راوند (سيكشن) أ :  بياخد أول شهر كامل بيدرس رمد " مبيدرسش أي حاجة عمليه خاصة باي مادة غير الرمد في الشهر ده وبرده الكلام ده منطبق علي الباقي ".


راوند (سيكشن) ب : بياخد أول شهر كامل بيدرس صحة عامة بس .


راوند (سيكشن) ج : بياخد أول شهر كامل بيدرس باطنه بس .



راوند (سيكشن) د :بياخد أول شهر كامل بيدرس شرعي بس .


بعد ما بيخلص اول شهر
بتمشي العملية في الشهور التلاتة اللي جاية كالتالي
علي الشكل ده أ ← ب ← ج ← د ← أ
يعني  أ بعد ما يخلص شهر الرمد في الشهر التاني بيحل مكان ب وهكذا
بمعني ترتيب الراوندات كده لالف :
رمد ← صحة عامة ← باطنه ←  شرعي
وعلي نفس الشكلية باقي الراوندات بيمشوا كده  أ ← ب ← ج ← د ← أ
 
"بعد ما بيخلص الشهر بياجي امتحان بعد الراوند اسمه End Round
و ده بيكون درجاته تبع اعمال السنة ,, بتمتحن فيه علي اللي اخدته في الراوند وهنشرحه في كل مادة بالتفصيل ".


اظن كده فهمنا معني الراوند
غير انكم هتفهموه اكتر في زتونة كل مادة  
Very Happy

كلمة العيادات هنشرحها  في شرح زتونة الرمد عشان تتفهم ^_^


ندخل بقي اخيرا علي المواد
 اللي هندرسها السنة ديه
 ترم اول وترم تاني 


 ترم أول :


 رمد
  باطنه 1
 شرعي
      صحة عامة 



ترم تاني :
 
انف واذن وحنجرة
جراحة
سموم

صحة عامة 





وبكده انتهينا هنا ,, واتمني تكونوا 
اخدتوا ال 
لمحة عن سنة رابعة ^_^

Admin
Admin
Admin

الجنس : ذكر
عدد المساهمات : 43
تاريخ التسجيل : 27/08/2015
الموقع : http://tebqena.egyptfree.net

معاينة صفحة البيانات الشخصي للعضو http://tebqena.egyptfree.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
لاتستطيع الرد على المواضيع في هذا المنتدى